viernes, 17 de mayo de 2013

Carlos Cleto Cañete
Heñoi'akue Itakuruvi de la Cordillera-pe, áry 1943-pe. Ñe’ëpapára katupyry imitä guive oñanduva’ekue mborayhu ijojaha’ỹva ñane ñe’ë Guaraníre. Oñemoarandu itávape ha upéi ikaria’ývo ouva’ekue oiko Paraguaýpe. Oike oñemoarandu Escuela Municipal de Arte Escénico-pe ha upépe avei oñepyrü oike ñoha’änga atýpe. Ohai heta ñe’ëpoty Guarani ñe’ëme ha’evoi omyasäiva’ekue ñane retä tuichakue javeve ha avei ambue tetä rupi. ATENEO DE LENGUA Y CULTURA GUARANÍme heta tembiapo porä ojapo. Omoheñói ha omotenonde kuatiahaipyre “Paraguái ñe’ë myasäi”. Ohai “Takuare’ë potymi”, “Chakoréva ñande ru”, “Ñu kañy mba’e poty” ha heta ambue.
GUARANI RÓGA PYAHU
I
GUARANI RÓGA pyahu omo’äma kuarahy
Ha iguýpe ñandeaty hetaite umi peky
Ñambo’e ñamoarandu hesakäne haperä
Jahayhu ñane retä Paraguáy jarohory
II
ATENEO rogaguy Guarani mba’e pyahu
Mba’apógui hokypu oikuaáma tetäygua
Ñepi’ä ikuatia ipotïva popyhy
Anichéne jajevy ñane irü amo Tupä
III
Ñamoirüke mbaraka tä, tä, tä guaraniete
Arpapúpe hendive néike néi japurahéi
Vy’apópe ojopohéi tahyapúke tetia’e
ATENEO topayve ñambogue ñande yuhéi
IV
Ha py’ỹike jajohéi typeípe jaiguyru
GUARANI RÓGA pyahu ojopóiva pe Tupä
ATENEO ja’eha rogaguýpe ñandeaty
Paraguáy jarohory tahesäi tokakuaa
(Homenaje al ATENEO, por la inauguración de su local llamado GUARANI RÓGA)

No hay comentarios:

Publicar un comentario